Hluti af mér ......

 
 

Jóladagur í San Miguel ........

 
 

Agndofa ...

Hið eina sanna ljós...
...ljósið er skín frá þér,
mætir ljúfum meyjarfaðmi.
Hinn eini sanni rómur...
...röddin hvíslar að mér,
ástaratlot í sál, trú, von og tár.

Man situr agndofa af ást...
...ástarfræ greypt í tifandi hjartað,
hugur geisar um ótalin lönd.
Maður styrkur sem stál...
...stelur stúlkuhjarta, færir blómavönd,
tónaflóð fyllir hjörtu elskenda.

Þau eru ástfangin...er á meðan er!

24 desember ...

... Við mæðgur vorum vaknaðar eld, eld snemma á þessum dásamlega fallega degi. Hadda Padda um sex leytið en ég naut þess að vera undir sæng til að verða sjö. Fersk með fullt af hlutum sem þarf að leysa fyrir lok dagsins. Tja eða til að verða 1800. Við munum aka til tengdó um þetta leyti og taka þátt í sjávarréttarhlaðborði sem tilhlökkun er mikil til.

Í fyrra vorum við í Orihuela og það var mjög svo skemmtilegt hjá okkur. Eftir matinn var tekinn fram gítarinn og sungið og spilað fram yfir miðnætti. Frábrugðið því sem íslendingar eiga að venjast en engu að síður hátíðleiki og gleði í hjörtum barna sem fullorðinna.

Það verður spennandi að fara til hvílunnar fyrir börnin því jólasveinninn kemur að morgni 25 og skilur eftir fáeinar gjafir.

Gleðileg Jól með von um frið og gleði í hjarta.

10 rauðvínsflöskur á hægri hönd ....

... Ooog 6 á vinstri svo og aðrar tvær undir borði. Já og allt þetta áfengi er í vinnunni okkar.

Hvað er að gerast, eru Spánverjar óðir eða hvað. Svarið er já því hér tíðkast að rétt fyrir jólin komi viðskiptafyrirtækin og gefi rausnarlegar gjafir til starfsmanna okkar og í því liggur þetta óvenju áfengismagn. Mín er svo óhuggulega heppin að enginn dreypir á svo þetta verða rauð jól í allri merkingu hins íslenska máls.

Fyrir utan alla konfektkassana þá erum við bara í nokkuð góðum málum.

Ég elska enn manninn minn og hann mig sem er það furðulega. thi hi hi....

Á morgun verður haldið til æðislegs veitingastaðar sem heitir El Reloj og það er víst eins gott að ég hringi og panti. Frá og með morgundeginum kl.14:00 verður haldið til hádegismatarboðs vinnunnar og góðs matar notið. Hlakka rosalega til að fara og vita að það verður frí hjá okkur til 27 des. Nægur tími til að dunda sér við föndur og kitl.

Jóla, jóla, jóla - gleði .......

Ektamaðurinn í nettu áfalli ...

... Það er ekki mikið sem kemur karlástinni minni úr jafnvægi og hvað þá í nett áfall yfir kvenlegum þokka konu sinnar.

Thi hi hi .... Það er nú varla talandi um þetta en þar sem ég tel mig búa svo fábrotnu sígaunalífi þá er mín í svona Bridget Jones fílíngi þessa stundina og notar "brækur" undirfatnað í stíl við þegar Jones og Hugh voru að kela í fyrsta skiptið ..... thi hi hi.

Vissulega gaf guð okkur augu til að sjá eða hendur til að finna og minn maður rak augun í nýja undirfatastílinn minn og gapti af undrun. Frúin hans vön að vera með hálfan bossan berann og komin í þessi líka húts undirföt. Svei mér það er náttúrulega ekki að spyrja að hlutunum.

Til að halda loganum tindrandi þar að skerpa. Í eða án undirfata skiptir kanski ekki mestu máli en sjaldan hefur þrýstni kroppurinn fengið jafn mikla eftirtekt.

Nú er Dúdda frænka komin til himna og blessuð sé minning hennar, það styttist til jóla og mig langar að senda henni Lísu minni þakkir fyrir fallega Sálma sem mér bárust í dag.

Lífið er undursamlegt, það er ekki hægt að þakka nóg fyrir það sem við höfum og það sem við erum Ooooog samt förum við í fílu og högum okkur eins og smá krakkar.

Í kvöld faðmaði ég manninn minn eins og aldrei áður, sagði honum að ég elskaði hann og brosti þar sem undirfatnaður móður gæti nýst í þokkalegasta segl skútunnar sem siglir í hjartanu.

Góða Nótt og Sofið Rótt!

www.irishadda.blogspot.com

 


Þessi stelpa er búin að opna sína eigin heimasíðu ... endilega að kíkja á það sem hún er að gera. Illustration Friday síða. 

Máttur alheims ...

 


Stór jafnt svo Smár. Umvafin orku alheims, hlíðinn og skarpur drengur .... í duggunni er gaman að vera. 

Kitli kitli kitl .....

..... Lísa skvísa ákvað að kitla sjálfa sig og valdi sér nokkur fórnarlömb ....

7 Karlmenn sem mér finnst flottir (maki má ekki vera með)

1. Pabbi minn
2. Flest allir frá Þorlákshöfn (svooooo sætir)
3. Forseti Íslands
4. Ingimar Stenmark skíðakappi allra tíma
5. Alfreð Gíslason handboltakappi (var með mynd af honum í veskinu í gamla daga)
6. Spænski prinsinn, það er nú sjarmur yfir honum Felipe .... ó já
7. Tiger Woods er sossum ekkert slæmur heldur.

Hlutir sem ég get ....

1. Hoppað á einni
2. Tekið til heima hjá mér og þótt það gaman
3. Verið glöð þótt ég sé ekki neitt glöð
4. Föndrað fram veislumat á nó time þótt ekkert sé til
5. Málað allskonar myndir og föndrað
6. Leikið mér eins og Lísa í Undralandi ....
7. Dottið af snilld í stigum

Hlutir sem ég get alls ekki gert ....

1. Gert góða horkúlu
2. Prumpað hátt í veislum
3. Borðað með puttunum
4. Komið við dauðann kött
5. Né lifandi fugl
6. Reimað skóna mína komin 8 mánuði á leið
7. Platað, kemst alltaf upp um mig

Atriði sem ég segi oft ....

1. Þetta er ekkert mál
2. Hvað er í matinn
3. Ooh ... Heimilishjálpin hefur ekki komið þessa vikuna :(
4. Hva ... Elskan ætlaru ekki að vaska upp, ha, humm!
5. Við getum allt sem við ætlum okkur
6. Góðann daginn á morgnanna og Góða nótt á kvöldin
7. Er ekki lífið bjútífúl ... dásamlegt ... yndislegt ....

Gallar í fari mínu ...

1. Kann mér ekki hóf
2. Er gráðug
3. Get verið ömurleg við alla kring um mig
4. Fæðingargalli
5. Að vera ekki heimavinnandi húsmóðir
6. Les of lítið af góðum bókmenntum
7. Kláraði ekki námið mitt.

Hljómsveitir sem ég hlusta á og "einkenna mig"

1. Madonna (já já hún er á við hvaða hljómsveit sem er)
2. Abba, just me!
3. Boney M
4. Hjálmar þrusugóðir, set diskinn oft oft í og dilla mér
5. Pantoja þrusu góð
6. Emma Chaplin (ekki hljómsveit en hún er algjört ég)
7. Tracy Chapman

Hlutir sem ég ætla að gera áður en ég dey

1. Halda myndlistarsýningu
2. Aðra með Tolla
3. Hætta að vera gráðug
4. Verða betri manneskja
5. Syngja inn á aðra hljómplötu / dvd
6. Láta gott af mér leiða .... sjor, thi hi hi
7. Flytja til Brasilíu

Bloggskvísur...

Þessi er erfiður þar sem Lísa er búin að kitla alla sem ég þekki .....

1. Gunna Sigríks
2. Magnþóra
3. Hulda Löve
4. Krummarnir
5. Einhver óvæntur hér
6. Leynigestur hér
7. Óli Grís

Allar Óskir Rætast ....

.... Oooog það rétt fyrir jól.

Þegar staðan er þannig að allar óskir rætist, ekki það að í hirslum Frúarinnar leynist lampi Alladins. Þar sem að tilraunastarfsemi hugans er sífellt að skila árangri þá er mín bara orðin hrædd að óska sér. Þar sem allar óskir rætast þá er spurning um að óska sér einhvers fyrir umheiminn. Fyrir þá sem minna mega sín og þá sem eru í þörf fyrir betri heilsu og betri heim.

Ég segi eins og einhver um árið: það er gott að vera kóngur. (reyndar var þetta í bíómynd, mætti ætla, ha!) Ég bæti um og segi það er gott að vera til, það er gott að finna, það er gott að vera.

Ég tek á móti umheimininum eins og hann faðmar mig með bland af báðu tagi, góðu og íllul. Merkilegt við það að vitandi þá eru töff móment framundan. Já, við tökum á englaher alheims með opnu hjarta og berjumst svo við sendiboða djöfuls þegar þeir birtast í sinni heldökku mynd.

Ég bið alla engla alheimsins að vera með mér þegar ég tek á móti sendiherra satans. Ég veit að það er ekkert sem brítur mig niður en vissulega finnur maður fyrir ómældri ógleði að vera í nánd við íllgjarnt og andsyggilegt fólk.

Maður er sjálfum sér verstur og það sannast með atburðum sem eiga eftir að líta dagsins ljós.

Guð sé með okkur öllum, það er alltaf von að vinna einn og einn yfir, ekki satt!

Saet Stúlka sem hlakkar til jóla .....

 
 

Sunnudagur er sólardagur ....

 
 

Fyrsta tönnslan farin ....

 


Fyrsta tönnslan farin og heilmiklar pælingar í hvað væri næst. Hvernig koma nýjar tennur, þarf að kaupa þær, er þetta vont, ég vil ekki missa fleiri tennur og svo framvegis.

Tannálfurinn er ekki til í þessu landi og tekur músin perez að sér að hirða tennur og launa fyrir. Mínum manni fanst heldur djarft að ætla að setja tönnina undir koddan því þá gæti litla músin perez ekki fundið neitt :D Lausnin hjá mínum var að setja hana bara ofaná. Allt small saman og músin Perez skipti á tönn og glaðningi.

Hjartnæmt móment þegar fyrsta tönnin fer .... eða er ég einhver kjói, gæti svosem verið. jæja nú er klukkan að verða morgunn og tími kominn á svefn. Held mig hafi dreymt draua í nótt. Vont! 

Lifandi fjársjóðir ...

... Dásamlegt að eiga svo marga sjóði sem raun ber.

Þar sem almennur frídagur er á Spáni í dag 8unda desember og báðir foreldrar að vinna. Völdum okkur bæði störf sem fara ekki eftir neinni reglu verkalýðsfélaga né nokkurs sem hægt er að halla sér að.

Fjársjóður dagsins eru amma og afi sem búa í Orihuela sem er yndisleg borg inn í land umvafin fjallahring, með rúmlega 40 kirkjur og næga skrúðgarða til að fara með börnin að leika sér í.

Afi er duglegur að fara með gullmolana sína en í dag voru 4 molar saman í heimsókn hjá ömmu og afa og fá þau ástarþakkir frá okkur fyrir það eitt að vera ávallt til staðar þegar við þurfum á.

Skildum við vera til staðar fyrir þau og þá sem við elskum. Það er hollt og gott að grafa djúpt í hjartað og finna fyrir hversu lítill maður er, finna hversu stórt og mikið fólkið er sem umvefur mann dagfarslega.

Ég þakka fyrir að fá að vera ég því ég þekki heimsins besta fólk sem er til staðar fyrir mig þegar ég þarf og þegar ég þarf þess ekki. Þakklæti fyllir hjarta mitt og ég sendi þér puttakoss eins og maður gerði svo oft í gamla dagana. Kossinum fylgir hlýr hugur og von um bjarta daga. Hvort sem ég þekki þig eða ekki þá myndir þú birta upp og ilja tilveru mína.

Fjársjóður dagsins eru tengdaforeldrar mínir, í dag og alla daga!

Húsin ...

 


Það er enginn betri en maður sjálfur til að öskra sorg sína og gleði til annara. Svo eru sumir sem bera þetta með sér í hjartanu alla ævi án þess að hvísla að nokkrum lifandi manni, fugli eða hesti. Ég er hæstánægð að segja að eftir daginn í dag þá hefur ýmislegt verið afrekað á heimasíðunni www.zordis.com og heilum link bætt í hópinn. Þetta er liður sem heitir pastel og fær myndin hér að ofan að fljóta með en hún er gerð með vatnslitum og var máluð í Þorlákshöfnin fyrir a.m.k. 8 árum. Já tíminn heldur betur flýgur áfram sem er merki grósku og vaxtar þeirra sem eru í kring um mann. Lengi lifi forsetinn og konungurinn. 

Ljúft er að lifa .....

 

Það er ekki laust við að lífsandinn sé ljúfur. Hér sést frúin eftir búðarráp með börnum. Ótrúlega hvað ég fann sjálfið hverfa smátt og smátt með börnunum í álíka molli og Smáranum. Mollið var hins vegar þaklaust svo ekki var innilokunin janfmikil og Srósin þarf að þola (þetta er jú hennar moll) svo og hinna sem leggja leið sína þangað. Þar næst lá leiðin í kaupfélagið að kaupa tré fyrir vinnuna, kúlur og ljós ..... hroðvirknisleg tilfinning læddist upp í háls og mín reyndi hvað hún gat að missa ekki tilverustigið sem var komið i algjört lágmark.

Ég vil lifa lengur svo ég legg ekki í frekari verslunarferðir og er búin að skrifa jólasveininum og vitringunum þrem.

Jamm, þarna erum við í makindum Síló og Frúin að loknum hörðum innkaupadegi ...... Það var víst ekki meira! 

Í húsinu býr kona ....

 


Konan hún er ég. Í húsinu býr andi, andinn hann er ég. Í húsinu hvíla álög, álögin þau eru ég. Í húsinu býr gleði, gleðin hún er ég. Í húsinu er þögn, þögnin hún er ég ...... 

Jólastemming

 


Ekki seinna vænna en að senda frá sér smá jóla jóla jóla. Hér sést þessi líka fíni kampavínsengill sem bíður eftir pökkum undir tré eða nýrri kampavínsflösku.

Hvað óskar Frúin sér í jólagjöf .... ? Hux, það er nú spurningin.

Frið á jörð, hamingju allra til handa og svo nokkra gyllta dropa af freyðandi kampavíni. Jólamúsin og jólaelgurinn eru bara hress! 

Salvador og Zordis

 


Hér sjást tvær manneskjur, aðra þekkja sumir og hina gjörþekkja margir. Fyrir skömmu var leið Zórdísar til Benidorm að kanna þar föngulegt umhverfi og snæða Benídormískan mat. Maturinn heppnaðist vel enda var Húni konungur með í för og við áttum þar að auki stefnumót við meistarann sjálfann.

Margt má telja sér trú um í þessu dýrindislífi enda verður að segja að það er vandlifað í jafn hörðum heimi og raun ber vitni. Fyrir utan alla klækina þá er lífið jafn gott og hver og einn vill. Í lokin langar minni að benda á að hamingjan ræðst af hæfni til þeirrar þar sem auður né veraldleg gæði eru í undirstöðu af hamingju kökunni.

Það má með sanni segja að Dalí og Zordís áttu notalega stund og ekki leynir aðdáunarglampi sér í augum nýgiftrar frúarinnar.

Gaman að kíkja til Benidorm!