El Bosque ....

Allt er vænt sem vel er grænt! Þessi hangir í stofunni minni og er eftir nokkuð hugmyndaríka listakonu!

Þessi mynd er nokkuð ólík því sem ég hef verið að sanka að mér en er alveg að fíla hana. Hún fer vel í peningahorni Feng Shui og á að laða að sér jákvæð fjármál!

Í þessu horni geymi ég íslenska mynnt, kínverska og danska ef mig misminni ekki. Að auki hef ég íslensku biblíuna, fermingar og brúðarmyndir af sjálfri mér, ömmu og afa heitnum og svo allskonar skemmtilegar myndir af góðu fólki. Myndin af myndinnni sést ekki nógu vel en ef rýnt er á skjáinn má sjá móta fyrir skógi. Ég ætla nú ekki að fara að reyna að útskýra myndina en það er eins og með brandarana og útskýringarnar ...........

Nú hef ég endurheimt ektamanninn frá Brasilíu og kann hann því fyrirheitna landi góða sögu. Við fengum að sjá nýmóðins digital slide sjóv og hlakkar kerlinguna mig að fara í sumarfrí þangað eftir 3 vikur!

Það besta í starfinu er sumarfríið. Það besta er að fara þreyttur og útkeyrður, finna að maður hefur virkilega unnið fyrir því að hafa slaka og notalega samvissku í dásamlegu fríi með allri familíunni.

Tilhlökkun og eftirvænting, það vantar ekki! Sit með blýhant, vatnsliti og hef hugann við tölvuna. Kláraði að svara fyrirspurnum vegna starfans fyrir tæpum klukkutíma og sit og dreypi á Cola Light þar sem hlýja er nokkur á heimilinu.

Vona að allir séu sáttir og sælir.

Snillingur og snillingar

Óendanleg Íslandsást er afurðin af þessu sinni. Vona að snjórinn sem ýlfrar Ísland sé ekki ómeðvituð dulúð myndefnisins. Það má segja að fjöllin séu áberandi hjá minni þessa dagana og þótti mér gaman að takast á við þessa en hún er máluð um páskana.

Það er komin örlítið meiri orka í kroppinn enda uppsprettan sterk og góð. Ég kíkti á Magnzórublogg og sá þar litaleik og tók þátt og er með Indigo lit en þar sem einskær snilldin leikur við mig náði ég ekki að henda þessu inn en þeir sem vilja prófa, allir yfir á Magnzórublogg. Já og er hún ekki ásamt Dagbjörtu bekkjarsystur og Gunnu kennara í framboði ......

Ég er nú það lélegasta sem Ísland hefur alið af sér hvað varðar upplýsingaflæði heimabæjarins! Þarf að vera iðnari við upplýsingaöflun og vera áhugasamari!

Veðursældin er með einsdæmum, sólin skín og von er á loftkælikerfi á skrifstofuna á næstu dögum. Mikil snilld og hamingju mun færast yfir þreyttann líkama minn, því hitamolla og svitadropar er renna niður beinabert bakið (sjor) hafa mjög sljóvgandi áhrif.

Jæja hollustan er pizzan og hún er reddý. best að láta ekki saka það upp á sig að hafa brennt hollustu kvöldsins. Meistarkokksins sárt saknað eftir 12 klst fjarveru ..... Over and Out!

sannkölluð þreyta

er bara lúin, svei mér þá! Sit heimavið og vinn í tölvunni og nota færið á að kvarta og kveina yfir andlegri og líkamlegri þreytu. Síðasta nótt háði líkaminn við iðrarkveisu sem er miður skemmtileg þrótt. Undir morgun var sami stíll á dömunni og gerðist hún svo hugrökk að fá sér kaffi. Já og þótti bara gott.

Minn heittelskaði maki fór árla og kvaddi með kossi þar sem för hans er heitið til Brasilíu, land gósen í gimsteinum og gulli. Hann fór vegna starfans og vonast ég til að allt gangi honum í hag þessum blessaða lífsbjarma mínum.

Börnin mín jafn nauðsynleg og þau eiga að vera og Skuggi nýjasti ættleiddi vinurinn okkar, fjórfætlingur er kúkar inn og þykir flott. Skuggi er sætur voffalíus sem fær vonandi að láta ljós sitt skína eftir myndatöku .... á næstu dögum. Hann kom baðaður og fínn með nesti og sjampó í poka. Hreinlætið er ekki síður mikilvægt hjá fjórfætlingum þessa heims og verður spennandi að hafa hann á heimilinu barnanna vegna fram á næsta laugardag.

Það líður frá manni þreytan og innkaupaferð er framundan. Það þarf að versla kex fyrir skólann, djús og mjólk og svo er það spurning með kvöldmatinn ..... Hvað er sniðugt að hafa? Sé til fyrst eldabuski númer eitt er farinn yfir höfin sjö þar sem yngismeyjar og sveinar eru opin fyrir öllu. Risahumrar, snitsel og entrecote steikur sem lafa út af diskum að ógleymdri kókosmjólk og Pinja kolada!

Þeir lenda ekki fyrr en um og uppúr miðnætti svo ég heyri ekkert í elskunni fyrr en á morgun eftir erfiðan og stífa flugdag. Alicante - Madrid - Lissabonn - Natal og inn á hótel.

Segi ekki meir og bið guð um að gæta ferðalanganna!

Hvíslað í eyra ....

Það má segja að þessi mynd eigi við núna. Ég er búin að vera svolítið undrandi með sjálfri mér vegna viðbrögðum eða tjáningu vina minna.

Hverjum getum við treyst þegar upp er staðið. Sagan sem Imma Galimma sagði á sínum tíma. Aldrei að treysta neinum fyrir því sem hvílir á hjartanu þar sem það verður notað gegn þér þegar verst stendur á!

Kanski full mikil Drama Drottning núna en tilfinningarnar eru engu að síður eins og jójó ..... Brosi og hugsa, þetta er ofmetið og eða ég þarf að bæta mig en þetta er ekki satt!

Sumir nota aðstæður gegn þér þótt þú haldir að þeir séu samferðamenn þínir í blíðu og stríðu.

Svo hugsar maður ..... þetta skiptir engu máli, skreytni og skríll á ekki upp á pallborð. já, af hverju erum við að veltast um í þessum vesæla gerfiumhverfi, gera öllum til hæfis og fá svo bara blammeringar í staðinn. Hverjum getum við treyst, hver er sannur og hver er heill. Í draumi þá koma lausnir og svör og nú bið ég guð minn heilaga um að senda mér lausn til að losna undan oki vafans. Það er heldur ekki rétt að bera í hjarta efa og vafa um einhverja manneskju sem er heil og sönn.

Já lífið er ekki alltaf auðvelt og þó. Lífið sem ég lifi eru verðlaun fyrir hvern þann er hefur upplifað hungur, fyrir hvern þann er hefur skort gleði og fyrir hvern þann er neitar sér um gleðihliðar þessa yndislega lífs. Amma min á himnum kemur til mín og hristir þetta af mér!

Kjallarinn frá hinu sjónarhorninu ...

Fyndið eins og röndótta mærin segir...við bloggum og löggum og öggum og ömmum fyrir okkur sjálf.

Amma galimma og Imma þessar tvær yndislegu konur eru mér svo nær...ég er að horfa á Bridget Jones og þá mín kæru, fáu, og fallegu þá er allt leyfilegt.

Allt leyfilegt þegar góðu gæjarnir kyssa eins og þeir .... well, ég sem hef bara kysst þá góðu og nokkra sem eru hundleiðinlegir og með lítil tippi.

Bara grín, hvað ætti ég að fara að ræða um tippi á þessu bloggi sem snýst um pensla, strokur og hugsanlega eina til tvær stunur með. Pepsi Light og hugsanlega nokkur kampavínsglös en sjaldnast þó um þungaðar konur og kaffibolla.

Anywho eins og Icelily segir þá ræðir hér hinir síumræddu kaffikerlur sem enn eru í bígerð! Hvernig er hægt að vera með eina og sömu myndina í 6 mánuði og soldið meira!

Jæja nú er bara gott, gott og nóttin læðist inn. Nóttin sem kemur alein og læðir sér upp í til þín.

Nóttin er mín eina vinkona þar sem ég sit ein, alein eftir á neðri hæðinni! Allir komnir í heima drauma og heim til sín. Ég er ein útundan þar sem ég kýs að sitja hér.

Góða nótt til ykkar sem tilla sér á grein þeirra sem huga að sumu skrítnu, öðru venjulegu og hinu sem við segjum engum frá.

Virkilega góða nótt eða góðan og gleðinlegan dag ..... allt undir þér komið!

Krummi krunkar úti .....

Hér má sjá Hrafna tvo er fóru ekki í hund. Að fara í hund og hrafn er víst gamla orðatiltækið er sett hefur verið í nýtískubúninginn hund og kött.

Hefur sossum ekki mikið með þessa mynd að gera. Þessi mynd er hefur ekki hlotið nafn var málað undir íslandsáhrifum árið 2005 í ágústmánuði. Það má segja að Ísland hafi undursamleg áhrifa á mátt þeirrar orku sem býr í brjósti mínu.

Íslandsferð í uppsiglingu ..... Það væri ekki verra að fara í brauðtertu til Lísu Skvísu en hún væri vonandi örugglega til í eina væna mayoslettu með ofur-hasar-kroppnum er tekur sig til og léttir lund með Herbert læf.

1.kg niður hvorki meira né minna, sem betur fer ekki minna en ég er búin að vera stökk í þessum grömmum síðastliðnar vikur. Hugsanlega má kenna um tryltum kampavínsáhuganum ..... nehhhhh það er ekki svo gott. Þar sem frúin er komin á þann skemmtilega kvenlega aldur og kílóin sitja sem fastast þá er lítið við neinu að gera nema að halda styrk áfram og ná einu og einu, hægt og þétt.

Mín keypti tennisspaða svo við hjónin getum nú skundað á tennisvöll San Miguel bæjar og hver veit nema að við náum af okkur nokkrum grömmum, svo er það líka spurning með Hitt lífið ?

Krummi Krunkar úti kallar hann nafna sinn ....... Góða helgi elskurnar!

La la la Leikur litli bleikur

Til gamans þá sá ég þennann ofurskemmtilega leik á síðu erlends bloggara!

1. 4 störf er ég hef sinnt;

Uppvöskunarstúlka á Rancho Blanco
Humarrunnkari í Meitlinum
Neftóbakskennari hjá neitendum
Freelance Hugvísindaleikari

2. Fjórir staðir er ég hef búið á;

Þorlákshöfn the city of sand and good smell
Mariager rosenes by, for helvede man de var kjempegodt
Long Island not my kind of shit ...
Cabo Roig las mejores playas de la Costa Blanca ....

3. Fernt skemmtilegt í mínu lífi;

Fara út að borða í góðum félagsskap
Vera í stuði í kjallaranum góða með penslanan mína
Hitta fræga og fallega fólkið (sure)
Vera með uppáhalds vinum mínum þegar færi gefst (buhu svo sjaldan)

4. Fjórir uppáhalds sumarleyfisstaðir er ég hef heimsótt;

Ísland er ofarlega í huga
Danmörk kemur sterkt inn ... fer þangað í júlí
Brasilía fer þangað eftir mánuð (jybbs mig hlakkar svooooo til)
Staður sem býr í hjartanu er hamingjuljósið lýsir upp!

5. Fjórir strákar sem ég hef verið skotin í

Bara einn sætur úr Þorlákshöfn sem kemur i hugann ....
Og þó, ég hef annann í huga þaðan svooo sætur
Ég verð skotin í flestum sem ég hitti jafnt strákum sem stelpum!
Maðurinn minn ég er skotin í honum alla daga

6. Fjórar ástæður þess að ég vakna á morgnanna;

Börnin mín (kemst ekki hjá því þau eru svo miklar dúllur)
Maðurinn minn (lætur drottninguna náttúrulega ekki í friði)
Lífsgleði þess er drífur hjartað áfram
Lífið sjálft, við getum sofið þegar við deyjum .....
Oooooooog þú er droppar við annað slagið, lífið er ótrúlega yndislegt.

Ekki er öll vitleysan eins, fjórir þeir sem taka þátt í þessum leik fá óvænta gjöf frá Zyrnirósinni. Já og allir þeir sem taka þátt í þessum leik fá eitthvað sætt!

Ég skal blása til þín hamingjuskýi, er lýsir upp daginn þinn, léttur hnoðri er ljúft er að leika við.

Skautadrottning

Vatnslitamynd gerð fyrir Sigrúnu Skautadrottningu

 

Life is a Love Story

 

Birt án Ábyrgðar