Upprennandi Kapteinn eins og afi!

"Mamma hvar er ég" Kappinn vildi fá að opinbera ástríðu sínu á Hafinu. Hann naut sín eins og við hin og var hvergi banginn á fleyginu. Veðrið var frábært, sennilega einar 30°C ekki slæmt það.

Við áttum í smá örðugleikum í byrjun en gekk vel þegar á ballarhaf var komið. Við sigldum með endilangri ströndinni og nutum þess að vera til. Samlokur voru útbúnar fyrir farþegana og herbi litli.

Sá stutti vildi alls ekki stýra Líf og mér þótti það lítið spennandi að halda um stýrið. Svona er þetta gaman, Íris Hadda tók hins vegar um stýrið og var hvergi bangin og sigldi eins og hver annar skipper.

Við komuna í höfn var snekkjan bundin við og við yfirgáfum smábátahöfn Torrevieja,þurftum þó að halda til baka þar sem úr ektamannsins varð eftir. Ekki voru öll ævintýri Enrique jr. yfirstaðinnn því hann datt milli báts og bryggju, litli óþekktaranginn! Pabbi hans kippti honum upp og strípaði vininn á staðnum sem greip í tillann og meig í stilltann sjó!

Já, það versta var hvort fiskaskítur hefði farið í eyrað og spurning með mallann. Jamm, það var væn sturta við heimkomuna enda sá stutti búin að fá vígsluna. Bannað að stökkva milli báts og bryggju! Hann passar sig vonandi ungi herrann minn. Gaman, gaman!