Hátíð að hefjast ....

... Í englabænum San Miguel.

Það er heilmikið hátíðarprógramm framundan hjá íbúum San Miguel og er ástæðan dýrðlingurinn sjálfur hinn heilagi sánkti Mikael.

Í gærkvöldi þá var skotið í púkk og heilmikið götupartý fæddist og stóð langt fram eftir nóttu. Við hjónaleysin borguðum okkur með í teitið nokkrum dögum áður og svo sáu grannarnir um að gera þetta með stæl. Snótin sýndi enga leiðtogahæfileika í þessum undirbúningi heldur kom heit inn eins og hver önnur drottning.

Kann vel við mig svei mér þá. Loverinn var ekkert sérlega spenntur en minni fanst ekki annað hægt en að mingla, fékk dýrindiskampavín og léttar samræður frá einum sanrrugluðum sem var farinn að segja mér frá næstu kvenfórnarlömbum. ohhhh mig langaði að ættleiða barnið hans, þvílíkar sögur sem flutu af hans vörum.

Kampavínið deiddi blaðrið í manninum og allir skemmtu sér hið besta. Matur var grillaður yfir skorinni tunnu, Sangría, gos og sterkt fyrir þá sem vildu. Svei okkur þá því bærinn tók þátt í kostnaði og skaffaðu veigar í boðinu.

Væri ekki nær að nota peningana í eitthvað almennilegt, binda þá í skólakerfinu eða heilbrigðisþjónustunni í bænum en ó nei. Við hjónaleysin tókum þátt í ár og styrkjum þ.a.l. þessa áralöngu hefð sem engar raddir fá mótmælt.

Áfram San Miguel!