Hausverkurinn...

...hann er algjört æði. Minnir mig á Hallgrím orm sem sagði Hvítlaukurinn er algj.æði...

Ég er með hausverk og er búin að vera með stöðuhausverk síðan snemma í morgun. Það er hins vegar smáatriði miðað við yndislegan félagsskapinn sem ég hlaut af viðskiptavinum og sönnum vinum.

Klukkan var stillt klukkan 06:00 í morgun og gekk Snótinni nokkuð vel að opna annars björt og falleg augun. Viðskiptavinir, Sólfarinn og Múvístarið voru með í för en leiðangurinn var farinn til Útlendingaeftirlits Alicante stórborgarinnar og tilgangurinn var umsókn spænskrar kennitölu.

Allt gott og blessað nema hvað að við vorum útskrifuð með kennitölur kl.14:00 einum 8 klst. síðar. Þrátt fyrir þessa töf skemmtum við okkur hið besta þar sem einn starfsmaður spænska ríkisins var með skemmtiatriði út í eitt. Engann skildi undra þótt ramman bjórþef ræki af manninum svo hýr var hann.

Í lokin við afhendingu kennitalna leið okkur eins og á ensku nautauppboði og ein ítölsk mær sem tók seint við sér við afhendingu líkt við playboy kanínu. Sérhver er nú samlíkingin en þessi spænski ríkisstarfsmaður fær 10 fyrir að hafa staðið sína plikt án þess að skipta skapi.

Góður dagur með hausverk.